Almaty oblysynda júk kóliginde ot shyǵyp, jolda salıýt atyldy
22:04, 13 Jeltoqsan 2024
<p>QONAEV. KAZINFORM — Respýblıkalyq mańyzy bar «Almaty-Qorǵas» avtojolynyń 190-shaqyrymynda júk kóligi janyp ketti.</p>
Almaty oblysy TJD málimetinshe, jalyn sharpyǵan júk kóligi tolyqtaı pırotehnıkalyq zattarmen tıelgen. Oqıǵa ornyna joǵary dáreje boıynsha Almaty oblysy TJD kúshteri men quraldary dereý jiberilgen.
— Jalyn túngi 02:00–de sóndirildi. Qurbandar men zardap shekkender joq. Órttiń sebebin anyqtaý úshin is Eńbekshiqazaq aýdanynyń polıtsııa basqarmasyna berildi, — dep habarlady Tótenshe jaǵdaılar departamentinen.
Eske salaıyq, buǵan deıin Qostanaı oblysynda órtengen úıden bir áıel qutqarylyp, 15 adam evakýatsııalanǵanyn jazǵanbyz.