Almaty oblysynda júk kóligi kámeletke tolmaǵan eki qyzdy qaǵyp ketti, bireýi qaıtys boldy

<p>QONAEV. KAZINFORM &ndash; Almaty oblysy Baıserke aýylynda júk kóligi jaıaý júrginshiler ótkelinde 12 jáne 14 jastaǵy eki qyzdy qaǵyp ketti. Apat saldarynan qyzdardyń kishisi qaıtys boldy.</p>

Almaty oblystyq Polıtsııa departamentiniń málimetinshe, jol apaty 17 maýsym kúni boldy.

«GAZ» markaly avtokóliktiń 46 jastaǵy júrgizýshi Baıserke kentiniń kósheleriniń birinde, qarama-qarsy qozǵalys jolaǵyna shyǵyp, jaıaý júrginshiler ótkelinen ótip bara jatqan kámeletke tolmaǵan eki qyzdy qaǵyp ketti. Saldarynan 12 jasar jaıaý júrginshi sol jerde qaıtys boldy», - dep habarlady vedomstvodan.

Atalǵan qylmystyq is aýdandyq polıtsııa bólimshesinde tirkeldi.

«Qazirgi ýaqytta saraptamalyq tekserýler taǵaıyndaýmen osy jol-kólik oqıǵasynyń mán-jaılaryn obektıvti zertteýge baǵyttalǵan barlyq qajetti tergeý áreketteri júrgizilip jatyr», - dep habarlady polıtsııadan.