Almaty oblysynda jol qyzmetkerleri jazalandy

<p>ALMATY. KAZINFORM &ndash; 9 qarasha kúni Shelek aýylynda káriz jelilerin qaıta jóndeý ýchaskesinde jol apaty boldy. Merdiger uıym qajetti eskertý belgilerin ornatpaı, jol boıynda topyraq pen úıindi qaldyryp ketken.</p>

Toyota Camry kóligin basqarǵan júrgizýshi áıel joldyń ortasynda úıilip turǵan topyraqqa kirip ketti. Saldarynan zardap shekken júrgizýshi aýdandyq aýrýhanaǵa jatqyzyldy.

Foto: Almaty oblysy PD

«Eńbekshiqazaq aýdanynyń polıtseılerimen qajetti qaýipsizdik sharalaryn saqtamaǵan jáne jolda eskertý belgilerinsiz kedergi qaldyrǵan qosalqy merdiger anyqtaldy. Joldarda jumys júrgizý jónindegi talaptardy oryndamaǵany úshin merdiger uıym aıyppul sanktsııalarymen qoldanystaǵy zańnamaǵa sáıkes jaýapqa tartyldy»,-dep habarlady vedomstvodan. 

Foto: Almaty oblysy PD

Jyl basynan beri avtojoldarǵa 2027 zertteý júrgizildi, olardyń árqaısysynyń qorytyndysy boıynsha tıisti nusqamalar shyǵaryldy. 

«Jol-kommýnaldyq uıymdardyń 281 laýazymdy tulǵasy avtojoldardy, jol qozǵalysyn uıymdastyrýdyń tehnıkalyq quraldaryn jáne ınjenerlik qurylystardy tıisinshe ustamaǵany úshin ákimshilik shara qoldanyldy»,- dep atap ótti departamentten. 

Buryn jiberilgen nusqamalardyń talaptaryn oryndamaǵany úshin 29 jaýapty tulǵaǵa qatysty materıaldar tıisti sharalar qabyldaý úshin sotqa joldandy.

Foto: Almaty oblysy PD

Osyǵan deıin Almaty oblysynda aýyldasynyń bir úıir jylqysyn urlaǵan er adam týraly jazǵan edik.