Almaty oblysynda jol apatynan 3 adam mert boldy

<p>QONAEV. KAZINFORM - Almaty oblysynda qarama-qarsy kele jatqan eki jeńil kólik soqtyǵysyp, saldarynan 3 adam qaza boldy.</p>

Polıtsııa málimetine sáıkes, Zeekr 001 júrgizýshisi Talǵar-Esik avtojolynyń 36 shaqyrymynda kele jatyp, qarsy qozǵalys jolaǵyna shyǵyp, Daewoo Matiz avtokóligimen soqtyǵysqan.

- Apat saldarynan Daewoo Matiz avtokóliginiń eki jolaýshysy oqıǵa ornynda kóz jumdy. Júrgizýshi aýdandyq aýrýhananyń jansaqtaý bóliminde esin jımaı jan tapsyrdy. Jol apaty faktisi boıynsha polıtsııa qylmystyq is qozǵady. Zeekr 001 júrgizýshisi qamaýǵa alyndy. Tergeý júrgizilip jatyr, - dep habarlady oblystyq PD baspasóz qyzmeti.

Eske salaıyq, buǵan deıin Almatyda 10 kólik soqtyǵysqanyn jazǵanbyz.