Almaty oblysynda joǵalyp ketken 3 jasar qyz áli tabylǵan joq

<p>QONAEV. KAZINFORM &ndash; Almaty oblysy Eńbekshiqazaq aýdanynda joǵalyp ketken 3 jastaǵy qyz áli izdelip jatyr. Bul týraly Almaty oblysy polıtsııa departamentiniń baspasóz qyzmeti Kazinform tilshisiniń saýalyna bergen jaýabynda aıtty.&nbsp;</p>

«Qyz áli tabylmady. Ony izdestirý sharalary áli jalǵasyp jatyr», - dep jaýap berdi Almaty oblysy polıtsııa departamentiniń baspasóz qyzmeti.

Eske salaıyq, 17 naýryz saǵat 16:00 shamasynda Almaty oblysy Eńbekshiqazaq aýdany Kúsh aýylynda úsh jasar qyzy úıinen shyǵyp ketip, qaıtyp oralmaǵan. Qyzdy izdeýge tikushaq pen dron jumyldyryldy.

Almaty oblystyq polıtsııa departamentiniń basshysy Baýyrjan Álenov atalǵan derek boıynsha arnaıy jasaq ınspektorlary, kınologtar, jergilikti PB jáne jedel bólim qyzmetkerlerinen izdestirý toby qurylǵanyn, arnaıy daıyndalǵan ıtter arqyly aýqymdy izdestirý sharalary júrgizilip jatqanyn aıtty. Іzdeý jumystaryna barlyǵy 245 adam jumyldyryldy. 

Sondaı-aq polıtsııa departamentiniń baspasóz qyzmeti izdeý jumystaryna volonterler, teplovızory bar drondar men tikushaq tartylǵanyn habarlady.