Almaty oblysynda jer úı órtendi

<p>Áleýmettik jelide Almaty oblysy Qoshmambet aýylynda tóbesi órtengen jer úıdiń vıdeosy shyqty, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Vıdeodaǵy jazbada órt Qoshmambet aýylynda bolǵany, órtke elektr toǵynyń isten shyǵýy sebep bolýy múmkin ekeni jazylǵan.

Almaty oblysy Qarasaı aýdanynyń tótenshe jaǵdaılar bóliminiń málimetinshe, 15 jeltoqsan kúni túngi saǵat 21:47 mınýtta Qoshmambet aýyly, Tań kóshesinde úı órtengeni týraly habarlama túsken.

«Saǵat 21:47 mınýtta oqıǵa ornyna jetken órt sóndirýshiler Qoshmambet aýyly 34/14 mekenjaıda aýdany 9h7 metr bolatyn turǵyn úıdiń shatyry janyp jatqanyn anyqtady. Órt saǵat 22:02-de oqshaýlanyp, saǵat 22:12-de órt tolyqtaı sóndirldi. Órtten zardap shekkender bolǵan joq», - dep habarlady Qarasaı aýdanynyń tótenshe jaǵdaılar bólimi.

Eske salsaq, Almaty oblysy Eńbekshiqazaq aýdany Shelek aýylynda janarmaı quıý stantsııasynda iri órt shyqqan bolatyn.