Almaty oblysynda jasóspirim qyzǵa esirtki berip, zorlaǵan kúdikti ustaldy

<p>QONAEV. KAZINFORM &ndash; Advokat Aıjan Omarova óziniń áleýmettik jelidegi paraqshasynda jantúrshigerlik jaǵdaı týraly <a href="https://www.facebook.com/share/v/WVYMAvwUmBHTvYnE/" target="_blank" rel="noopener">habarlady</a>.</p>

— Prezıdentke úndeý! Bas prokýrordyń nazaryna! Kámeletke tolmaǵan qyzdy «esirtkige otyrǵyzǵan» jáne zorlaǵan. Biraq Almaty oblysy, Qarasaı aýdanynyń polıtsııa qyzmetkerleri tek bir adamdy qamaǵan. Basqalary bostandyqta júr. Nege? — dep jazdy Aıjan Omarova.

Almaty oblysynyń Polıtsııa departamenti atalǵan jaǵdaı boıynsha bir kúdikti ustalǵanyn rastady.

— Kúdikti ustalyp qamaýǵa alyndy. Polıtsııa qajetti saraptamalardy taǵaıyndaýmen qylmystyq is qozǵady. Qazirgi ýaqytta bolǵan oqıǵanyń barlyq mán-jaılaryn anyqtaý úshin qajetti tergeý is-sharalarynyń barlyq kesheni júrgizilýde. Tergeý barysy oblystyq departament basshylyǵynyń erekshe baqylaýynda. Ózge aqparat tergeý múddesi úshin jarııalaýǵa jatpaıdy, — dep habarlaı PD baspasóz qyzmeti.

Eske salaıyq, buǵan deıin Almaty oblysynda quny 2 mln teńge bolatyn veıpter tárkilengenin jazǵan edik.