Almaty oblysynda jarty mlrd teńge bólingen káriz qubyrynyń qurylysy aıaqsyz qalǵan

<p>Qonaev qalasynda memlekettiń qarjysyn tenderden utyp alǵan kompanııa jumysty aıaqtamaı ketken, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Jaýapty kompanııa jumysty byltyr bastasa da, nebári 7 shaqyrym káriz qubyrynyń jartysyn ǵana tartqan.

«Byltyr qazan aıynda Qonaev qalasyndaǵy Gúlder, Qarlyǵash shaǵynaýdandarynda «Sýmen jabdyqtaý jáne sý burý jelilerin qaıta jańartý» jumystary bastaldy. Oǵan bıýdjetten 481 645,8 myń teńge qarjy qarastyrylǵan. Atalǵan jumys boıynsha 17,8 shaqyrym sý qubyry, 7,13 shaqyrym káriz qubyry tartylýy kerek», - dep habarlady Almaty oblysy ákimdiginiń baspasóz qyzmetinen.

Qurylys-montajdaý jumystarymen «Shah» JShS aınalysyp jatyr. Qazirgi tańda sý qubyry 100 paıyz tartylǵan, al káriz qubyry boıynsha jumystyń 50 paıyzy ǵana aıaqtalǵan.

Foto: Almaty oblysynyń ákimdigi

«Merdiger uıym belgili bir sebepterge baılanysty jumysty ýaqytsha toqtatqan. Buǵan deıin qalalyq ákimdiktiń turǵyn úı-kommýnaldyq sharýashylyq (TÚKSh) bólimi kompanııanyń ústinen 2 ret talap aryz jazǵan. Eger seriktestik isti kelisimshartta kózdelgen ýaqytta aıaqtamasa, TÚKSh bólimi sotqa júginbek. Bul sheshim turǵyndardyń tolassyz shaǵymynan keıin shyǵaryldy. Sondaı-aq merdigerdiń jumysy ákimdiktiń baqylaýyna alyndy»,- dep atap ótti ákimdikten.