Almaty oblysynda jarylǵan sý qubyry qalpyna keltirildi

<p>QONAEV. KAZINFORM &mdash; Almaty oblysynda jarylǵan sý qubyryn mamandar qalpyna keltirdi. Sý tasýshy kóliktiń qyzmetine júgingen Jańaturmys aýylynyń turǵyndaryna sý berildi.</p>

«6 maýsymda Jańaturmys aýylyn sýmen qamtamasyz etetin dıametri 225 mm qubyrdyń isten shyǵýyna baılanysty «Taýsamaly Qyzmet» MKK dereý-qalpyna keltirý jumystaryn júrgizip, sýmen jabdyqtaýdy qalpyna keltirgen bolatyn. Alaıda, 2024 jyldyń 7 maýsymynda sol sý qubyry qaıta jaryldy. Mamandar jóndeý jumystaryn búgin keshki saǵat 17:00-de aıaqtady. Qazirgi ýaqytta aýyz sý shtattyq rejımde berilip jatyr»,- dep habarlady ákimdikten.

Buǵan deıin sýsyz qalǵan Almaty oblysynyń turǵyndary ákimdikke shaǵymdanyp, áleýmettik jelide beınejazba jarııalaǵan edi.