Almaty oblysynda zańsyz ǵımarat buzyldy

<p>ALMATY. KAZINFORM &ndash; Zańsyz qurylys nysany Almaty oblysynyń Eńbekshiqazaq aýdanynda Báıdibek bı aýylynda sot sheshimimen buzyldy.</p>

Eńbekshiqazaq aýdandyq soty Almaty oblysynyń Memlekettik sáýlet-qurylys baqylaý basqarmasynyń tıisti qujattarsyz salynǵan ǵımaratty buzý týraly talap-aryzyn qanaǵattandyrdy. Nysannyń menshik ıesi – jeke tulǵa. Ol obektini zańdy qujattarsyz turǵyzǵan. 

Foto: Almaty oblysynyń ákimdigi

«Eńbekshiqazaq aýdandyq sotynyń sheshimimen basqarmanyń talap-aryzy qanaǵattandyryldy. Buryn menshik ıesine erikti túrde buzý týraly habarlama jiberilgen. Sot sheshimin oryndaýǵa qojaıyn tarapynan eshqandaı áreket bolmaǵandyqtan, nysandy sot oryndaýshylary buzdy. Aýdanda zańsyz qurylysty baqylaý kúsheıtilip, 4 kommertsııalyq nysan buzyldy», – dep habarlaıdy Almaty oblysynyń ákimdiginen.

Sondaı-aq búgingi kúni Almaty oblysynyń Memlekettik sáýlet-qurylys baqylaý basqarmasyna taǵy 7 zańsyz qurylysty buzýǵa talap-aryz joldaǵan. Olardyń ishinde Báıdibek bı aýylyndaǵy taǵy eki zańsyz nysandy buzý josparlanyp otyr. 

Foto: Almaty oblysynyń ákimdigi

Aıta keteıik, buǵan deıin Almaty qalasynyń «Qaırat» shaǵyn aýdanynda iri qurylys nysany buzylǵanyn jazǵanbyz.