Almaty oblysynda volfram kenin óndirý zaýytynyń qurylysy qaıta jandandy

<p>QONAEV. KAZINFORM - Almaty oblysynda prokýratýra organdary tabysty ınvestıtsııalyq ahýal qurý jáne ınvestorlardyń zańdy quqyqtarynyń buzylýyna jol bermeý baǵytynda jumystar júrgizip jatyr.</p>

Prokýratýranyń málimetinshe, 2019 jyly Almaty oblysynda volfram kenderin óndirý zaýytyn salý boıynsha "Jetisý Volframy" JShS jobasy iske asa bastaǵan.

"Bıyl zaýytty iske qosý úshin ınvestorǵa energııamen jabdyqtaý qýatyn ulǵaıtý jáne ol úshin "AJK" AQ-dan tehnıkalyq sharttar alý talap etildi. Alaıda, memlekettik organdar tarapynan bul rásim ýaqytymen keshiktirildi jáne keıinnen ınvestıtsııalyq jobany iske asyrý merzimderiniń buzylýyna ákelýi múmkin edi.

Osy másele boıynsha Almaty oblysy Eńbekshiqazaq aýdanynyń prokýratýrasymen ýákiletti organdardyń jáne "AJK" AQ qatysýymen front-ofıs otyrysy uıymdastyryldy. Onyń nátıjeleri boıynsha ınvestor elektr qýatyna qosylýǵa tehnıkalyq sharttar aldy jáne jobany iske asyrýdy jalǵastyrdy", - dep habarlady Almaty oblysy prokýratýrasynyń baspasóz qyzmeti.

Aıta keteıik, zaýytty paıdalanýǵa berý bıylǵy jyldyń sońyna josparlanǵan jáne búgingi tańda "Jetisý Volframy" JShS el ekonomıkasyna 96 mlrd teńge ınvestıtsııalap, myń jańa jumys ornyn ashqan.

Almaty oblysynyń prokýratýrasy mańyzdy ınvestıtsııalyq jobalardy súıemeldeý jumystary jalǵasýda jáne prokýratýra organdarynyń erekshe baqylaýynda ekenin habarlady.