Almaty oblysynda turaqty 100 jumys orny ashylady
Pılottyq orman klımattyq jobasy Almaty oblysy Qapshaǵaı kóliniń mańynda iske asyrylady.
«SAFS» JShS dırektory óńir úshin jańa jumys oryndary men qosymsha tabys túrindegi boljanyp otyrǵan áleýmettik-ekonomıkalyq tıimdilik týraly aıtyp berdi.
«Biz búgin osyndaı ekologııalyq jobalarǵa ınvestıtsııa salatyn halyqaralyq kompanııamen kelisimge qol qoıdyq. Almaty oblysynda Qapshaǵaı kóliniń mańyndaǵy tozǵan jaıylymdar orman ekojúıesi bolyp qaıta qurylady. Bul ekojúıe kómirqyshqyl gazyn sińiredi jáne 30 jyl ishinde biz kómirtegi birlikterin satamyz ári qosymsha tabys tabamyz. Synaq rejıminde 200 myń aǵash egildi, osy aýmaqta barlyǵy 3,3 mln jergilikti tuqymnyń kósheti otyrǵyzylady. Biz tek synaq ekpelerin júrgizgen kezde 30-ǵa jýyq maýsymdyq jumys oryndaryn ashtyq. Aldaǵy úsh jylda jergilikti turǵyndar arasynda 100-ge jýyq turaqty jumys orny ashylady», — dep atap ótti ıÝrıı Kım.
Buǵan deıin habarlaǵanymyzdaı, Premer-mınıstr Oljas Bektenov brıtandyq SEFE Marketing& Trading Limited kompanııasynyń aktıvterdi basqarý jónindegi vıtse-prezıdenti Aleksandr Demıdovpen jáne qazaqstandyq «SAFC» JShS dırektory ıÝrıı Kımmen kezdesý ótkizdi.