Almaty oblysynda taýǵa shyqqan 2 jasóspirim qutqaryldy
10:12, 28 Shilde 2024
<p>QONAEV. KAZINFORM – Úlken Almaty shyńyna shyǵyp, óz betinshe túse almaı qalǵan jasóspirimder qutqaryldy. </p>
Respýblıkalyq jedel-qutqarý jasaǵynyń qyzmetkerleri Almaty qalasynyń qutqarý qyzmetimen birlesip taýǵa shyǵyp, adasyp ketken eki jas týrısti taýyp, tómen túsirdi.
«Jasósipirimder – 14 jáne 16 jasta. Olar demalý úshin taýǵa kóterilip, adasyp, ózdiginen túse almaı «112» nómirine habarlasyp, kómekke júgindi. Týrısterge medıtsınalyq kómek qajet bolmady», - delingen delingen QR TJM habarlamasynda.
TJM taýdaǵy qaýipsizdik sharalaryn saqtaýdy eske salady.
Osyǵan deıin Almaty oblysynyń taýlarynda 2600 metr bıiktikke shyǵyp, óz betinshe túse almaı qalǵan 16 jastaǵy jasóspirim qutqarylǵany týraly jazǵan edik.