Almaty oblysynda taǵy da sý qubyry jaryldy
Beınerolıkten Jańaturmys aýylynyń turǵyndary sý tasýshy kóliktiń qyzmetine júgingenin kórýge bolady. Aıtylǵan jaǵdaıǵa baılanysty Almaty oblysy ákimdiginiń baspasóz qyzmeti jaýap berdi. Ákimdik málimetine sáıkes, aımaqty sýmen qamtamasyz etip otyrǵan «Taýsamaly Qyzmet» kompanııasynyń sý qubyry eki ret jarylǵan.
«Qarasaı aýdanynyń ákimdigi 6 maýsym kúni Raıymbek aýyldyq okrýginiń Jańaturmys aýylyndaǵy sý qubyrynyń jarylýyna baılanysty «Taýsamaly Qyzmet» MKK avarııalyq-qalpyna keltirý jumystaryn júrgizgenin habarlaıdy. Apat joıylyp, sýmen jabdyqtaý qalpyna keltirilgen. Alaıda 7 maýsym kúni sol jerde taǵy da apat boldy. Qazirgi ýaqytta «Taýsamaly Qyzmet» MKK brıgadasy apat ornynda jumys istep jatyr. Avarııalyq jumystar 07.06.2024 j. saǵat 16:00-ge deıin aıaqtalady dep josparlanǵan. Sýmen jabdyqtaýdyń úzilýine baılanysty ýaqytsha qolaısyzdyqtar úshin keshirim suraımyz», - dep málimdedi oblys ákimdiginen.
Eske salaıyq, buǵan deıin Almaty qalasynda Bostandyq aýdanynyń 20 myń turǵyny sýsyz qalǵanyn jazǵan edik. Sondaı-aq Almaty ákimdigi halyqty sýsyz qaldyrǵan kompanııany sotqa bergenin jazǵanbyz.