Almaty oblysynda sý tasydy
08:25, 22 Naýryz 2024
<p>ASTANA. KAZINFORM - 2024 jylǵy 21 naýryzda saǵat 21:00 shamasynda kúnniń jylynýy men qardyń tez erýi saldarynan Kegen-Narynkól tas jolynyń 60 km (40 m) jáne 72 km (40 m) (Qaınar jáne Tekes aýyly, Raıymbek aýdany, IV sanat) jol bóliginde sý tasqyny oryn aldy.</p>
«QazAvtoJol» mekemesi baspasóz qyzmetiniń habarlaýynsha, jalpy sý aǵynynyń uzyndyǵy 80 m, al bıiktigi 10 sm qurady. Kórsetilgen ýchaskege dıametri 1 m bolatyn sý ótkizgish qubyr ornatyldy. Jaǵdaıdy qalypqa keltirý úshin 10 qyzmetker men 4 tehnıka jumyldyryldy.
«Qazirgi tańda erigen sýdy aǵyzý, ýaqytsha jol belgilerin ornatý jáne jol bóligin tazalaý jumystary júrgizilýde. Jol táýlik boıy baqylaýǵa alyndy. Jol qozǵalysyna shekteýler joq»,-delingen habarlamada.