Almaty oblysynda syrǵyma túsip, eki úıge zaqym keldi
11:48, 23 Naýryz 2024
<p>QONAEV. KAZINFORM - Almaty oblysynyń Talǵar aýdanynda syrǵyma tústi. Jaǵdaımen tanysý úshin oqıǵa ornyna Almaty oblysynyń ákimi Marat Sultanǵazıev pen Talǵar aýdanynyń ákimi Tanat Aıdarbekov bardy.</p>
Almaty oblystyq Tótónshe jaǵdaılar departamentiniń málimetinshe, 23 naýryz kúni saǵat 00:20-da Talǵar aýdanynyń Besaǵash aýylyndaǵy «Býrabaı» kottedj qalashyǵynda aýa raıynyń turaqsyzdyǵyna baılanysty topyraq batpaqtanyp, saldarynan taý baýraıynan eki jeke turǵyn úıdiń aýmaǵyna syrǵyma tústi.
«Túsken topyraq úıdiń terezesin syndyryp, zaqym keltirdi. Syrǵymanyń boljamdy kólemi 500 tekshe metr. Qurbandar men zardap shekkender joq. Eki úıde 9 adam turady», - dep habarlady departamentten.
Oqıǵa ornynda arnaıy mamandar jumys istep jatyr. Turǵyndar qaýipsiz jerge evakýatsııalandy.