Almaty oblysynda sapasyz salynǵan turǵyn úı tekseriletin boldy

<p>QONAEV. KAZINFORM &ndash; Almaty oblysy, Talǵar aýdany, Besaǵash aýylynda sapasyz salynǵan turǵyn úı kesheninde páterler satylyp jatyr.</p>

Sapasy syn kótermeıtin kópqabatty úıdiń vıdeosy Telegram-kanaldardyń birinde tarady. Beınejazbadan úı qabyrǵalarynan úlken jaryqtardy kórýge bolady. 

Avtordyń aıtýynsha, bul «SK Elıtstroı» JShS-niń ekonom sanatyndaǵy «Dostar» turǵyn úı kesheni. Úıdi salyp bitpeı páterlerdi halyqqa jappaı satyp jatyr.

Almaty oblysy ákimdiginiń baspasóz qyzmeti málim etkendeı, atalǵan nysanǵa tekserý jumystary júrgiziledi.

«Almaty oblysynyń memlekettik sáýlet-qurylys baqylaý basqarmasy men Talǵar aýdany ákimdiginiń ókilderi bul nysanǵa jospardan tys tekserý júrgizýdi josparlap otyr. Qosymsha aqparatty keıinirek joldaıtyn bolamyz», - dep habarlady oblystyq ákimdikten.

Ákimdik atap ótkendeı, kópqabatty úıdiń qurylysy jeke ınvestorlar esebinen júrgizilýde.