Almaty oblysynda salmaǵy 3 tonnaǵa jýyq esirtki ósirgen azamat ustaldy

<p>Almaty oblysynda ózine tıesili jer ýchaskesinde tyıym salynǵan ósimdikterdi ósirgen almatylyq ustaldy, dep habarlaıdy <a href="https://kaz.inform.kz/lenta/" target="_blank" rel="noopener">Kazinform</a>.</p>

Almaty oblysy polıtsııa departamentiniń málimetinshe, jedel-izdestirý is-sharasy kezinde Almaty oblysy polıtsııa departamentiniń esirtki qylmysyna qarsy is-qımyl basqarmasy men Eńbekshiqazaq aýdany polıtsııa basqarmasynyń qyzmetkerleri birlesip, Túrgen aýylynyń mańynda ornalasqan ózine tıesili jer ýchaskesinde tyıym salynǵan ósimdikterdi ósirgen er adamdy anyqtaıdy.

"Atalǵan derek QR QK-niń 300-baby boıynsha Eńbekshiqazaq aýdanynyń polıtsııa basqarmasynda tirkeldi. Jedel-izdestirý is-sharasy barysynda polıtsııa qyzmetkerleri Almaty qalasynyń M. esimdi 44 jastaǵy turǵynyn anyqtap, ustady. Joǵaryda atalǵan jer ýchaskesin tintý kezinde salmaǵy 3 tonnaǵa jýyq 742 túp kannabıs ósimdigi tabylyp, tárkilendi", – dedi Almaty oblysy polıtsııa departamentiniń bastyǵy Baýyrjan Álenov.

Qazirgi ýaqytta qajetti saraptamalyq tekserýler taǵaıyndaýmen sotqa deıingi tergeý bastaldy. Ustalǵan adam aýdandyq ýaqytsha ustaý ızolıatoryna qamaqqa alyndy.