Almaty oblysynda salyq tóleýden jaltarǵan 117 kásipker anyqtaldy

<p>ALMATY. KAZINFORM &ndash; Almaty oblysynda kásipkerler alkogoldi zańsyz saýdalap kelgen. Bul týraly Almaty oblysynyń prokýratýrasy málim ettti.</p>

Qazaqstan Respýblıkasynyń zańnamasyna sáıkes alkogoldi satý mindetti lıtsenzııany talap etetini bármizge málim.

Máselen, Almaty oblysynyń prokýratýrasymen júrgizilgen taldaý barysynda ruqsat qaǵazynsyz alkogoldik ónimderdi satyp, salyq tóleýden jaltarǵan 117 josyqsyz kásipker anyqtaldy.

Qadaǵalaý organynyń bastamasy boıynsha quqyq buzýshylar ÁQBtK-niń 463-baby (kásipkerlik nemese ózge de qyzmetpen aınalysý, sondaı-aq tıisti tirkeýsiz, ruqsatsyz nemese habarlama jibermeı áreketterdi (operatsııalardy) júzege asyrý) boıynsha ákimshilik jaýapkershilikke tartyldy.

9 myńnan astam bótelke túrli alkogoldik ónimder tárkilenip, joıyldy.

Esterińizge sala keteıik, Qazaqstan aýmaǵynda etıl spırti men alkogol ónimderin sáıkestik sertıfıkattarynsyz (jáne belgilerinsiz) satýǵa tyıym salynady. Bul Qazaqstan Respýblıkasynyń «Etıl spırti men alkogol óniminiń óndirisi men aınalymyn memlekettik retteý týraly» Zańynyń 9-babyna sáıkes tehnıkalyq reglamentterdiń tıisti talaptaryna sáıkes júzege asyrylady. 

Alkogoldi satýǵa lıtsenzııany elektrondy formatta «eGov» portaly arqyly alýǵa bolady.