Almaty oblysynda rezervattaǵy órt áli sóngen joq
Tótenshe jaǵdaılar mınıstrliginiń málimetinshe, eldi mekenderge qaýip joq.
«Sý aǵyzý qurylǵysy bar Qazavıaqutqarý tikushaǵymen órt oshaqtaryna áýeden 65 ret jalpy kólemi 195 tonna sý tógildi. Avıatsııalyq tehnıkany paıdalaný jáne jetýi qıyn jerlerge orman sharýashylyǵynyń qyzmetkerleri men órt sóndirýshilerdi jetkizý sııaqty qabyldanǵan sharalardyń arqasynda jekelegen órt oshaqtary sóndirilip, jaqyn mańdaǵy sharýa qojalyǵy aman qaldy» delinedi TJM habarlamasynda.
Shymtezek, jetýi qıyn, batpaqty jerler jáne únemi ózgerip otyratyn qatty jel órt oshaqtaryn sóndirý jumysyn qıyndatqan.
Almaty oblysy TJD bastyǵy Asqar Toıshybekov oqıǵa ornynda.
Jalyndy aýyzdyqtaýǵa TJD, atqarýshy organdardyń kúsh-quraldary, jergilikti turǵyndar jumyldyrylyp, sondaı-aq ushqyshsyz ushý apparaty qoldanylyp jatyr.
Eske salsaq, Almaty oblysynyń Balqash aýdanynyń Іle-Balqash memlekettik tabıǵı rezervaty aýmaǵynda qurǵaq shóp pen qamys órtenip jatqanyn habarlaǵanbyz.