Almaty oblysynda polıtseı ózine qol jumsady

<p>Almaty oblysynda 31 jastaǵy polıtseı ózine qol jumsady, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Oblystyq Polıtsııa departamentiniń málimetinshe, Balqash aýdandyq polıtsııa basqarmasyna aýrýhana feldsherinen aýdan ortalyǵyndaǵy páterlerdiń birinde 31 jastaǵy polıtsııa qyzmetkeriniń ózine qol jumsaǵany týraly aqparat túsken. Atalǵan fakti QR Qylmystyq kodeksiniń 105-babynyń 1-bóligi boıynsha tirkeldi.

«Qaıtys bolǵan azamattyń otbasynda jeke problemalary bolǵan. Ol da qylmystyq tergeý aıasynda tekseriletin bolady. Qazirgi ýaqytta istiń jan-jaqtylyǵyn jáne obektıvti tergep-tekserýdi qamtamasyz etý úshin saraptamalar taǵaıyndalyp, barlyq qajetti tergeý áreketteri júrgizilýde», - dep habarlady departamentten.

Vedomstvodan atap ótkendeı, tergeý barysy oblystyq polıtsııa bastyǵynyń baqylaýyna alyndy.

Ózge aqparat QR Qylmystyq kodeksiniń 201-babyna sáıkes jarııa etýge jatpaıdy.