Almaty oblysynda pyshaq jaraqatyn alǵan qyzdyń jaǵdaıy aýyr

<p>Almaty oblysy Uzynaǵash aýylynda jas jigit pyshaqtap ketken 15 jastaǵy qyzdyń jaǵdaıy birqalypty aýyr. Bul týraly Jambyl aýdandyq ortalyq aýrýhanasynyń hırýrgııa bóliminiń meńgerýshisi Tımýr Qurbanbaev málim etti, dep habarlaıdy <a href="https://kaz.inform.kz/" target="_blank" rel="noopener">Kazinform</a>.&nbsp;</p>

Tımýr Qurbanbaevtyń sózinshe, naýqasqa shuǵyl túrde operatsııa jasaldy. Ota kezinde dárigerler oqýshy qyzdyń baýyrynyń oń jaq tusy, asqazan, ish maıynyń tamyrlary jáne ishtiń ashyq zaqymdanýyn anyqtady. 

«Aralas jaraqatqa jáne operatsııanyń aýyrlyǵyna baılanysty, naýqastyń jaǵdaıy birqalypty aýyr dep baǵalanady. Qazir qyzdy hırýrgııalyq bólimge aýystyrdyq. Sol jerde ary qaraı tıisti em-domyn qabyldaıdy», - dedi bólim meńgerýshi Tımýr Qurbanbaev. 

Buǵan deıin oqýshy qyzdy pyshaqtap ketken kúdiktiniń ustalǵany týraly jazǵan bolatynbyz.