Almaty oblysynda ózdiginen terbelgen gaz qubyryna tirek ornatyldy

<p>Almaty oblysynda oqıǵa kýágerleri tas jol boıynda ózdiginen qatty terbelip turǵan gaz qubyryn vıdeoǵa túsirip aldy. Óńir ákimdigi osyǵan baılanysty túsinik berdi, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Onyń vıdeosy áleýmettik jelide tarady. 

«Men úıge Jambyl aýyly arqyly baramyn. Jol boıyndaǵy gaz qubyry osylaısha ózdiginen terbelip jatyr, ony eshkim qozǵap jatqan joq. Qysymnan ba?» - deıdi vıdeo avtory.

Almaty oblysynyń energetıka jáne turǵyn úı-kommýnaldyq sharýashylyq basqarmasy Qarasaı aýdany Jambyl aýylyndaǵy gaz qubyryna eki tirek ornatylǵanyn habarlady.

«Almatygazservıs-Holdıng» AQ – atalǵan eldi mekenniń operatory. Kompanııa turǵyndardyń eskertýlerin nazarǵa alyp, gaz qubyryna eki tirek ornatty. Eger mundaı aqaýlar taǵy da anyqtalyp jatsa, dereý [phone] nómirine habarlasýdy suraıdy», - dep atap ótti basqarmadan.