Almaty oblysynda «Orta Qaqpaq» sý elektr stantsııasy iske qosyldy

<p>ALMATY. KAZINFORM &ndash; Almaty oblysynyń Raıymbek aýdanynda qýattylyǵy 2,2 mVt &laquo;Orta Qaqpaq&raquo; sý elektr stantsııasy paıdalanýǵa berildi. Jobanyń jalpy quny - 1,5 mlrd teńge.</p>

Almaty oblysy ákimdiginiń málimetinshe, «Orta Qaqpaq» sý elektr stantsııasy jylyna 13 mln KVt elektr qýatyn óndiredi. Mundaǵy sý qubyrynyń uzyndyǵy – 4 shaqyrym. «Qaınar» qosalqy stantsııasyna uzyndyǵy 12 shaqyrym bolatyn 10 KıloVolttyq jeli tartylǵan. Óndirilgen qýat kózi sol arqyly taratýshy kompanııaǵa jetkizilip, odan ary tutynýshylarǵa beriledi.

Oblys ákimi Marat Sultanǵazıev, óńir balamaly energııa óndirýge yńǵaıly ekenin atap ótti. 

Foto: Almaty oblysy ákimdigi

«Bizdiń oblys balamaly energetıkaǵa óte yńǵaıly. Jel jaǵynan bolsyn, kún jaǵynan bolsyn, sý jaǵynan bolsyn jaqsy. Sol sebepten ony damytýǵa tıistimiz. Ol ekologııaǵa da, adamǵa da, bárine paıdaly», - dedi ákim.

Jobany júzege asyrý barysynda 45 adam jumyspen qamtamasyz etilse, endi avtomatty túrde basqarylatyn zamanaýı sý elektr stantsııasynda 4 jergilikti turǵyn turaqty jumys isteıtin bolady. 

Foto: Almaty oblysy ákimdigi

Sý elektr stansasynyń qurylysyn «Bıznestiń jol kartasy» memlekettik baǵdarlamasy aıasynda «DAMU» ınvestıtsııalyq qorynyń qoldaýymen osy jobaǵa qatysýshy «Tekes Energy» JShS qarjylandyrdy.

«Joba bastapqyda 1,2 mlrd teńgege baǵalanǵan. Keıin ınflıatsııaǵa baılanysty onyń quny 1,5 mlrd-qa deıin ósti. Biz bul mindetterdi sátti oryndadyq. Qýattylyǵy jylyna 13 mıllıon kVt/saǵ bolatyn joba turaqty energııamen qamtamasyz etýge múmkindik beredi. Onyń ústine stansanyń qýaty sý deńgeıiniń ózgerýine beıimdeledi», - dedi joba jetekshisi Januzaq Qonaev.