Almaty oblysynda órt sóndirý kezinde bólimshe komandıri qaıtys boldy

<p>Almaty oblysy Qarasaı aýdany Kókózek aýylyndaǵy órtti sóndirý barysynda 19-MÓSB bólimshe komandıri, azamattyq qorǵaý aǵa serjanty kóz jumdy. Bul týraly Tótenshe jaǵdaılar mınıstrliginiń baspasóz qyzmeti málim etti, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«25 jeltoqsanda saǵat 16.56-da Almaty qalasy TJD Órt sóndirý jáne avarııalyq-qutqarý jumystary qyzmeti № 19 mamandandyrylǵan órt sóndirý bóliminiń órt sóndirý eseptoptary Qarasaı aýdany Kókózek aýylyndaǵy órtti sóndirýge shyqty. Qyzmettik boryshyn atqarý kezinde eki qabatty jeke turǵyn úıdiń shatyryn sharpyǵan órtti sóndirý barysynda 19-MÓSB bólimshe komandıri, azamattyq qorǵaý aǵa serjanty Ýálı Ádilet Aıanuly qaıtys boldy», - dedi Tótenshe jaǵdaılar mınıstrliginen.

Oqıǵanyń mán-jaıy anyqtalyp jatyr. Jedel-tergeý toby oqıǵa ornynda jumys júrgizýde.

«TJM Ádilet Aıanulynyń týǵan-týystary men jaqyndaryna qaıǵyryp kóńil aıtady. Ol saýatty, óz isiniń mamany retinde máńgi esimizde qalady», - dep jazylǵan habarlamada.