Almaty oblysynda on tórtinshi esirtki zerthanasy joıyldy

<p>QONAEV. KAZINFORM &ndash; &laquo;Qarasora-2024&raquo; jedel profılaktıkalyq sharasy barysynda Almaty oblysynyń Esirtki qylmysyna qarsy is-qımyl basqarmasynyń qyzmetkerleri Besaǵash aýylynyń mańynda psıhotroptyq zattardy zańsyz óndirgen kúdiktini ustady.</p>

Almaty oblystyq Polıtsııa departamenti baspasóz qyzmetiniń habarlaýynsha, tártip saqshylary toqtatqan kóliktiń ishinde 22 jastaǵy jigit otyrdy. Tintý barysynda odan erekshe ıisi, untaq zaty bar qara polıetılen paket tabylyp, tárkilendi.

Foto: Almaty oblystyq Polıtsııa departamenti

«Odan ári jedel is-sharalar barysynda polıtsııa qyzmetkerleri kúdiktige tıesili jalǵa alynǵan garajǵa tintý júrgizdi. Tekserý kezinde 11 plastıkalyq bótelke tárkilendi, ol suıyq kúıdegi «mefedron» bolyp shyqty. Sonymen qatar, ártúrli konteınerlerde, sonyń ishinde tońazytqyshta saqtalǵan prekýrsorlar men untaq zattar bar eki kanıstr tabyldy. Saraptama nátıjeleri boıynsha alynǵan zat jalpy salmaǵy 1 keli 775 gramm «Alfa-PVP» psıhotroptyq zaty ekeni rastaldy», – dedi Almaty oblysy Polıtsııa departmenti Esirtki qylmysyna qarsy is-qımyl basqarmasynyń bastyǵy Ardaq Qaısarov.

Foto: Almaty oblystyq Polıtsııa departamenti

Talǵar aýdanynyń polıtseıleri psıhotroptyq zattardy zańsyz daıyndaý faktisi boıynsha qylmystyq is qozǵady.

Kúdikti qamaýǵa alyndy. Tergeý jalǵasyp jatyr.

Osyǵan deıin esirtki qylmysyn jasaǵan 4 myńnan asa adamnyń túrmede otyrǵany týraly jazǵan edik.

Foto: Almaty oblystyq Polıtsııa departamenti