Almaty oblysynda myńnan astam adam qyzylsha juqtyrǵan

<p>Almaty oblysynda jyl basynan beri 1 myńnan astam adam qyzylsha aýrýyn juqtyrdy, dep habarlaıdy <a href="Kazinform" target="_blank" rel="noopener"></a><a href="Kazinform" target="_blank" rel="noopener">Kazinform.</a></p>

Almaty oblystyq sanıtarlyq-epıdemıologııalyq baqylaý departamentiniń málimetinshe, syrqattanýshylyqtyń joǵary deńgeıi Qarasaı (137,2), Eńbekshiqazaq (114,1), Talǵar (70,5), Іle (54,2) aýdandarynda tirkelgen. 

«Aıta ketý kerek, syrqattanýshylyqtyń basym bóligin, ıaǵnı, 86%-yn 14 jasqa deıingi balalar quraıdy. Onyń ishinde, syrqattanýshylyqtyń 5 jasqa deıingi balalar arasynda taralý jıiligi 85%-dy (joǵary) qurady. Kásiptik quramyna kelsek, 56% uıymdastyrylmaǵan balalarǵa, 18% mektepke deıingi mekemelerdiń tárbıeshilenýlerine, 13% mektep oqýshylaryna,1% medıtsınalyq qyzmetkerlerge, al 12% basqa toptarǵa keledi», - dep atap ótti departamentten. 

Vedomstvodan atap ótkendeı, qyzylsha aýrýymen aýyryp jatqandardyń 85%-y ekpe almaǵandar bolyp shyqty.

«Qyzylshadan jalǵyz tıimdi qorǵanys – ol vaktsınatsııa. Elimizde qyzylshaǵa qarsy vaktsınatsııa balanyń 1 jáne 6 jasynda júrgiziledi. Qyzylshaǵa qarsy vaktsınatsııa úshin qyzamyq pen parotıtke qarsy komponentpen birikken vaktsına qoldanylady»,- dep habarlady Almaty oblystyq sanıtarlyq-epıdemıologııalyq baqylaý departamentinen.