Almaty oblysynda mas er adam avtobýsty aıdap ketip, jol apatyna ushyrady

<p>Talǵarda Rysqulov pen Qonaev kósheleriniń qıylysynda er adam avtobýsty urlap aıdap ketip, jol apatyna ushyrady, dep habarlaıdy <a href="Kazinform" target="_blank" rel="noopener">Kazinform</a>.</p>

Áleýmettik jelide oqıǵanyń vıdeosy tarady. Beınejazbadan avtobýstyń aıaldamaǵa, artynsha joldyń jıeginde turǵan jeńil kólikke soqtyǵysqanyn kórýge bolady. 

Almaty oblystyq Polıtsııa departamentiniń málimetinshe, 25 jeltoqsanda Talǵar aýdandyq polıtsııa basqarmasyna Talǵar qalasyndaǵy avtobýs aıaldamalarynyń birinde belgisiz adam qoǵamdyq kólikti urlanǵany týraly aqparat kelip túsken.

Atalǵan derek QR QK 200-babynyń 1-bóligi boıynsha aýdandyq polıtsııada tirkeldi.

«Talǵar aýdanynyń polıtseıleri jedel izdetirý is-sharalarynyń nátıjesinde 40 jastaǵy kúdiktini ustady. Qazirgi ýaqytta oqıǵanyń barlyq jaǵdaılaryn tolyq, jan-jaqty jáne obektıvti zertteýdi qamtamasyz etý maqsatynda tergeý sharalary júrgizilýde», - dep atap ótti vedomstvodan.