Almaty oblysynda quny 2 mln teńge bolatyn veıpter tárkilendi
12:58, 05 Shilde 2024
<p>QONAEV. KAZINFORM – Almaty oblysynyń polıtseıleri quny 2 mln teńgelik veıpterdi tárkiledi.</p>
WhatsApp messendjeri arqyly veıpterdi zańsyz satqandardy oblystyq krımınaldyq polıtsııa basqarmasynyń qyzmetkerleri anyqtaǵan.
– Tártip saqshylary eki mıllıon teńgege elektrondy temeki tárkiledi. Elektrondyq tutyný júıelerin (veıpterdi), hosh ıistendirgishter men suıyqtyqtardy satý jáne taratý faktisi boıynsha polıtseıler qylmystyq is qozǵady, – dedi oblystyq krımınaldyq polıtsııa basqarmasynyń bastyǵy Rýslan Smaǵulov.
Polıtsııa departamenti veıpterdi satýǵa tyıym salatyn zańdy buzǵan adamǵa 200 AEK deıingi mólsherde aıyppul ne sol kólemdegi túzeý jumystary ne 50 táýlikke deıingi merzimge qamaýǵa alý mólsherinde iri aqshalaı aıyppul salynatynyn eskertti.