Almaty oblysynda kirpish zaýyty májbúrli túrde súrildi
Almaty oblysy ákimdiginiń málimetinshe, Eńbekshiqazaq aýdany ákimdiginiń 2005 jyldyń 27 mamyrdaǵy qaýlysymen óndiristik bazany salý jáne qyzmet kórsetý úshin «Qurylys Kómek HHІ» JShS aýdany 3 myń ga jer ýchaskesin alǵan.
Ákimdiktiń 2005 jyldyń 27 mamyrdaǵy qaýlysymen karer ornalastyrý úshin aýdany 8 myń ga jer ýchaskesi berilgen.
Aýdan ákiminiń 2005 jyldyń 16 mamyrdaǵy sheshimimen aýdany 3 myń ga jer ýchaskesinde kirpish zaýytynyń qurylysyn jobalaýǵa ruqsat berilgen.
Almaty oblysy ákimdiginiń 2006 jyldyń 21 jeltoqsandaǵy qaýlysymen sazdaq óndirý úshin ýaqytsha óteýli jer paıdalaný quqyǵy berilgen.
2021 jyly eski zaýyt bólshektelip, jańa zaýyt qajetti qujattamasyz salynǵan.
«Almaty oblysynyń memlekettik sáýlet-qurylys baqylaý basqarmasy „Qurylys Kómek HHІ“ JShS kirpish zaýytyna keptirgish japsarjaıdyń qajetti ruqsatsyz salynǵanyn anyqtady. Kompanııa ákimshilik jaýapqa tartyldy jáne óz betinshe qurylysty súrýge mindetti boldy. Alaıda „Qurylys Kómek HHІ“ JShS belgilengen merzimde deıin súrmegen soń sot sheshimi májbúrli túrde oryndaldy» dep habarlady Almaty oblysy ákimdiginiń baspasóz qyzmeti.
Sonymen qatar, 2022 jyldyń tamyz aıynda kirpish zaýytynyń basqa bólikterin buzý týraly jańa talap aryzǵa bastamashylyq jasalǵan.