Almaty oblysynda Qytaı jáne BAÁ ákelingen júırik attar jarysqa qatysty
Týrnırge Qazaqstan, Qytaı jáne BAÁ júırikterimen qatar, Qostanaı jáne Adaı tuqymdarynyń jylqylary qatysty.Sportshylar men júırikter bir kúnde 100 km qashyqtyqty júrip ótip, tózimdilikti, sheberlikti jáne aqyl-oı kúshin kórsetti.
Halyqaralyq at sporty federatsııasynyń jylqynyń tózimdiligi jónindegi tehnıkalyq komıtetiniń basshysy Muhammed Álı Amer Omar Ál-Hadramıdiń aıtýynsha, jarystyń bul túri qazaqtyń dástúrli at jarysyna óte uqsas.
Qazaq jylqylarynyń daıyndyǵy óte jaqsy jáne munda ǵasyrlar boıy jylqy sharýashylyǵy damyǵanyn kórýge bolady.
«Qazaqstannyń at sporty boıynsha halyqaralyq jarystardy ótkizý áleýeti joǵary, óıtkeni Qazaqstannyń geografııalyq turǵyda óte jaqsy ornalasqan. Ol: Reseı, Qytaı, Ózbekstan, Qyrǵyzstan jáne taǵy basqa elder arasynda óte tıimdi ornalasqan.Sondyqtan Qazaqstan osy óńirde at sporty úshin damý ortalyǵyna aınalýy múmkin», - dedi ál-Hadramı.
Іs-sharanyń maqsaty - elimizde at sportyn nasıhattaý jáne Qostanaı, Adaı sekildi damytý, qazaqı jylqy tuqymdaryn damytý, QR tóreshiler alqasynyń tóreshilik sapasyn jáne kásibı daǵdylaryn arttyrý, talantty shabandozdar men jylqylardy anyqtaý jáne olardy halyqaralyq týrnırlerge qatystyrý.
Týrnır jeńimpazdary:
1 oryn-Kók Jebe aty, shabandoz Omar Nursultan (Mańǵystaý oblysy);
2 oryn – Baqtory aty, shabandoz Dargerbek Habaı (Jetisý oblysy);
3 oryn-Tobylǵy tory aty, shabandoz Kýmarov Nursultan (Mańǵystaý oblysy);
4 oryn-Gúlsary aty, shabandoz Janalıev Vıktor (Abaı oblysy);
5 oryn Qaharman aty, shabandoz Beısbaev Dáýlet (Jetisý oblysy);
6 oryn Nobel aty, shabandoz Mehok Orhıdeıa (Vengrııa);
7 oryn-Neapol aty, shabandoz Natalıa Dolgıh (Almaty oblysy).
Kók Jebe atty jylqynyń ıesi 1-shi orynǵa Ravon avtokóligin, al qalǵan barlyq júldegerler bas demeýshi Baıserke-Agrodan aqshalaı syılyqtar aldy.