Almaty oblysynda qaraýsyz qalǵan ǵımarattan náresteniń denesi tabyldy

<p>QONAEV. KAZINFORM &ndash; Eńbekshiqazaq aýdany Shelek aýylynda qaraýsyz qalǵan ǵımarattan ul balanyń denesi tabyldy.</p>

Atalǵan derek boıynsha, Almaty oblystyq Polıtsııa departamenti qylmystyq is qozǵady.

«Jańa týǵan balasyn óltirdi degen kúdikpen anasy ustaldy. Qazir áıel aýrýhanaǵa jatqyzyldy. Oqıǵanyń barlyq mán-jaıyn anyqtaý úshin keshendi tekserý júrgizilip jatyr»,- dep habarlady vedomstvodan.

Qylmystyq-protsestik kodekstiń 201-babyna sáıkes atalǵan iske qatysty ózge aqparat jarııa etýge jatpaıdy.

Osyǵan deıin Almaty oblysynda kólik aǵashqa soǵylyp, bir adam mert bolǵanyn jazdyq.

«Lada Largus» júrgizýshisi róldi basqara almaı, aǵashqa soǵyldy. Jol apaty saldarynan 40 jastaǵy jolaýshy áıel sol jerde kóz jumdy. Júrgizýshi men eki jolaýshy ártúrli dene jaraqattarymen jaqyn mańdaǵy aýrýhanaǵa jetkizildi»,- dep habarlady polıtsııadan.