Almaty oblysynda ıtti kólikpen súıregen kúdikti ustaldy

<p>QONAEV. KAZINFORM &ndash; Almaty oblysynda belgisiz azamat ıtti kólikke baılap, ony jol boıynda súıregen. Jantúrshigerlik oqıǵanyń beınjazbasy áleýmettik jelide tarady.&nbsp;</p>

Almaty oblysynyń Polıtsııa departamenti áleýmettik jelilerge monıtorıng júrgizý barysynda bul faktini anyqtaldy. Jedel-izdestirý is-sharalar barysynda Talǵar aýdany PB qyzmetkerleri 38 jastaǵy er adamdy qolǵa túsirdi.

– Janýarlarǵa qatigezdik jasaý faktisi boıynsha kúdikti qoldanystaǵy zańnamaǵa sáıkes jaýapkershilikke tartyldy, - dep habarlady oblystyq PD baspasóz qyzmeti.

Eske salaıyq, bıyl tamyz aıynda ıtti kólikpen súıregen taǵy bir Almaty oblysy turǵynynyń ústinen is qozǵalǵan bolatyn. Sondaı-aq Atyraýdaǵy balabaqshanyń aýlasynda ıtti qorlaǵan er adamǵa qylmystyq is qozǵalǵanyn jazǵan edik.