Almaty oblysynda ıgerilmegen jerler memleketke qaıtarylady

<p>QONAEV. KAZINFORM &ndash; Almaty oblysynda 173,1 myń &nbsp;gektar jer ıgerilmeı jatyr. Maqsatty paıdalanbaǵan jerler memleket menshigine qaıtarylmaq.&nbsp;</p>

Almaty oblysy ákimdiginiń málimetinshe, 2024 jyldyń basynan beri jalpy kólemi 12,4 myń gektar bolatyn 43 jer ýchaskesi boıynsha sotqa talap aryzdar joldandy. Onyń ishinde sot sheshimimen 10,5 myń gektar jer, ıaǵnı 28 ýchaske úlgilik jaldaý sharttary jaramsyz dep tanyldy. Erikti negizde 9,5 myń gektar memlekettik menshikke qaıtaryldy.

«QR Aýyl sharýashylyǵy mınıstrligi Jer resýrstaryn basqarý komıtetiniń tapsyrmasy boıynsha, jyldyń aıaǵyna deıin oblys kóleminde jer zańnamasyn buza otyryp berilgen jáne paıdalanylmaǵan aýyl sharýashylyǵy maqsatyndaǵy jalpy alańy 70,0 myń ga aýyl sharýashylyǵy maqsatyndaǵy jerlerdi qaıtarý josparlanǵan», - dep atap ótti ákimdikten.

Osy jyldyń eki aıynda memleket menshigine 20 myń gektar jer qaıtaryldy.