Almaty oblysynda er adam 7 jastaǵy balany zorlady degen kúdikpen qamaýǵa alyndy

<p>Almaty oblysy Qarasaı aýdanyna qarasty Qoshmambet aýylynda 60 jastaǵy er adam 7 jastaǵy uldy zorlady degen kúdikke ilindi, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Bul týraly aqparat buqaralyq aqparat betterinde jarııalanyp jatyr.

Almaty oblystyq Polıtsııa departamenti atalǵan faktini rastady. Aıtýynsha, quqyq qorǵaý organdaryna kishkentaı balanyń anasy shaǵym túsirgen.

«Atalǵan derek QR Qylmystyq kodeksiniń 121 babynyń («Seksýaldyq sıpattaǵy zorlyq-zombylyq áreketteri») 4-bóligi boıynsha Qarasaı aýdandyq polıtsııada tirkeldi. Jedel izdestirý is-sharalary aıasynda polıtsııa qyzmetkerleri 1963 jylǵy M. esimdi kúdikti azamatty anyqtap, qolǵa túsirdi. Kúdikti ýaqytsha ustaý ızolıatoryna qamaýǵa alyndy», - dep habarlady oblystyq polıtsııa departamentinen.

Vedomstvodan atap ótkendeı, qazirgi ýaqytta qylmystyq tergeýde onyń tolyqtylyǵyn, jan-jaqtylyǵyn jáne obektıvtiligin qamtamasyz etý maqsatynda saraptamalyq tekserý taǵaıyndaldy.

«Ózge aqparat QR Qylmystyq protsessýaldyq kodeksiniń 201 baby («Sotqa deıingi tergep-tekserý derekterin jarııa etýge jol bermeý») sheńberinde jarııa etýge jatpaıdy», – delingen habarlamada.