Almaty oblysynda elektr qýatynyń joqtyǵyna narazy turǵyndar joldy jaýyp tastamaq boldy

<p>Almaty mańynda Qarasaı aýdany Kemertoǵan aýylynyń turǵyndary jaryqtyń joqtyǵyna baılanysty oblystyq tasjoldy jaýyp tastaýǵa shyqty, dep habarlaıdy Kazinform.</p>

Oqıǵa ornynda túsirilgen vıdeo áleýmettik jelide tarady.

Jazba avtorynyń sózinshe, turǵyndar jaryqqa qatysty qordalanǵan máselelerdi sheshý úshin joldy jaýyp tastamaq.

«Elektr energııasynyń joqtyǵynan sý, elektr jaryǵyna qosylǵan gaz peshi jumys istemeıdi. Úıde sýyq», - delingen habarlamada.

Almaty oblysy Qarasaı aýdanynyń ákimdigi 15 qazan kúni saǵat 22:30-da Іrgeli aýyldyq okrýgine qarasty Kemertoǵan aýylynyń turǵyndary elektr qýatynyń óshýine baılanysty Almaty-Bishkek tas jolynyń 24 shaqyrymynda (Kemertoǵan aýylyna burylý) joldy jaýyp tastamaq bolǵanyn habarlady.

Aýdan ákimi Abylaı Ysqaqov jınalǵandarmen kezdesti.

«Nátıjesinde kúre jol jabylǵan joq. Oqıǵa ornynda alynǵan aqparat negizinde elektr jelisinde qysqa tuıyqtalý bolǵany anyqtaldy. 2343 transformatorlyq qosalqy stansasyn tekserý kezinde joǵary voltty jerasty kabeliniń janyp ketkeni belgili boldy. Qazir apattyq brıgada oqıǵa ornynda qalpyna keltirý jumystaryn júrgizýde», - dep jaýap berdi aýdan ákimdiginiń baspasóz qyzmeti.