Almaty oblysynda dárigerler naýqastyń ót qabynan 111 tas alǵan

<p>TALDYQORǴAN. KAZINFORM - Qonaev qalalyq kópsalaly aýrýhanasyna túsken naýqasqa ota jasaǵan dárigerler onyń ót qabynan 111 tas alǵan. Emdelýshiniń qazir jaǵdaıy jaqsy.</p>

Almaty oblystyq densaýlyq saqtaý basqarmasynyń dereginshe, 35 jastaǵy Qonaev qalasynyń turǵynyn baýyrynyń aınalasy jıi shanshyp, aýrý mazalaǵan. Dárigerlerge júgingen naýqasqa ota arnaıy laparoskopııalyq qurylǵy arqyly jasalǵan. Nátıjesinde hırýrgtar ábden asqynyp, tasqa tolyp ketken ót qabyn tolyq alyp tastaǵan.

- Naýqastyń óti tolyp turǵanda jaryqshaqty granataǵa uqsas boldy. Odan irili-usaqty 111 tas shyqty, - deıdi hırýrg Rınat Toqbazaruly.

Qonaev qalalyq kópsalaly aýrýhanasynyń mamandary osyǵan deıin mundaı otalar dástúrli ashyq ádispen oryndalsa, sońǵy jyldary laparoskopııalyq ádiske aýysqandy oń baǵalady.

Onyń emdelýshige otadan keıin tez qalypqa kelip, qatarǵa qosylýyna zor yqpaly bar ekenin aıtty.

MÁMS aıasynda jasalǵan josparly sátti otadan keıin naýqas úıige shyǵarylǵan.

Eske salaıyq osyǵan deıin Taldyqorǵanda ishek ınfektsııasyn juqtyrǵandar sany óskenin jazǵanbyz.