Almaty oblysynda bıyl 150-ge jýyq adam astan ýlanǵan

<p>ALMATY. KAZINFORM &ndash; Almaty oblysy Densaýlyq saqtaý basqarmasynyń statsıonarlyq kómek bólimniń basshysy Ádilet Sadıbekov jyl basynan beri 144 adam taǵamnan ýlanyp, olardyń 22-i statsıonarda bolsa, al qalǵan 122-i ambýlatorııalyq em qabyldaǵan aıtty.</p>

Onyń aıtýynsha, taǵamnan ýlanýǵa ákeletin birden-bir faktor - azyq-túliktiń jaramdylyq merzimine qaramaý jáne ony saqtaý erejesin eskermeý. Maman tamaq daıyndaý gıgıenasyn saqtaý ýlanýdyń aldyn alýǵa septigin tıgizetinin aıtady.

«Taǵamdy tońazytqyshta 5°C-tan tómen jáne muzdatqyshta -18°C-ta saqtaǵan jón. Budan bólek, patogenderdi joıý úshin et, balyq jáne jumyrtqany tolyq termııalyq óńdeý qajet. Asqa abaı bolsańyz, taǵamnan týatyn túrli dertten aman bolasyzdar», - dedi Ádilet Sadıbekov.

Sondaı-aq, tamaqtan ýlanýdyń belgilerine toqtalǵan ol adamda bas aınalý, qusý, ish ótý syndy jaısyz belgiler baıqalǵan jaǵdaıda dereý dárigerge júginý kerek ekenin eskertti.