Almaty oblysynda belgilenbegen jerden ótken jaıaý júrginshi jol apatynan qaıtys boldy

<p>QONAEV.KAZINFORM - Almaty oblysy Jambyl aýdanynda jol apatynan jaıaý júrginshi mert boldy.</p>

Polıtsııa málimetine sáıkes, Toyota Alphard júrgizýshisi «Almaty-Bishkek» avtojolynyń 57 shaqyrymynda joldy belgilenbegen jerden kesip ótken jaıaý júrginshini qaǵyp ketken. Alǵan jaraqattarynan er adam oqıǵa ornynda qaıtys boldy.

- Jol-kólik oqıǵasy faktisi boıynsha qylmystyq is tirkelip, apattyń mán-jaıy anyqtalyp jatyr. Osy derekti eskere otyryp, jaıaý júrginshilerge jol erejelerin saqtaýdyń mańyzdylyǵyn taǵy da eske salamyz. Qaýipsizdikti qamtamasyz ete otyryp, joldyń júris bóligin tek belgilengen jerlerde kesip ótińiz. Túnde júrgizýshilerge kóriný úshin kıimge nemese aksessýarlarǵa shammen shaǵylystyratyn elementterdi qoldanyńyz, - dep habarlady oblystyq polıtsııa.

Eske salaıyq, buǵan deıin Jambyl aýdanynda jol apatynan 2 adam jaraqat alyp, 1 adam mert bolǵanyn jazǵan edik.