Almaty oblysynda barlyq tirshilikti qamtamasyz etý júıesi shtattyq rejımde jumys istep tur

<p>ASTANA. KAZINFORM - Almaty oblysynyń ákimi Marat Sultanǵazıev jer silkiný jaǵdaıy boıynsha shuǵyl jıyn ótkizdi. Qazirgi ýaqytta aımaqtaǵy jaǵdaı turaqty, biraq jedel shtab aldaǵy is-sharalar josparyn talqylaýdy jalǵastyryp jatyr.</p>

Óńirdegi barlyq tirshilikti qamtamasyz etý júıeleri, polıtsııa bólimi men jedel medetsınalyq járdem qyzmeti shtattyq rejımde jumys istep tur.

Taýly aımaqtarda qar kóshkini qaýpine baılanysty saq bolyp, jergilikti atqarýshy organdardyń nusqaýlaryn oryndaý usynylady. Turǵyndardy tótenshe jaǵdaıda jınaý pýnktteri belsendi qyzmet atqara beredi. Qajetti kómek kórsetý úshin medıtsınalyq mekemeler men jedel járdem qyzmeti kúsheıtilgen rejımde jumys isteýde. 

Aımaq basshysynyń nusqaýymen jer silkinisinen keıingi yqtımal zardaptardy anyqtaý maqsatynda oblystaǵy barlyq ǵımarattar men qurylystarǵa tekserý júrgizilýde. Sondaı-aq zardap shekkenderge kómek kórsetý úshin, qabyldaý pýnktterin daıyndaý jáne apattyq-qutqarý qyzmetteriniń is-qımyldaryn úılestirý jóninde tapsyrma berildi. 

«Tótenshe jaǵdaılarǵa jedel nazar aýdarý daıyndyǵy jáne oblys turǵyndarynyń qaýipsizdigin qamtamasyz etý – bizdiń basty mindetimiz», - dedi Marat Sultanǵazıev.