Almaty oblysynda balǵamen áıeliniń basyn jarǵan er adam ustaldy

<p>QONAEV.KAZINFORM &mdash; Almaty oblysynda er adam áıeliniń jumysyna baryp, ony balǵamen uryp tastaǵan. Bul týraly jábirlenýshi áleýmettik jelide jarııalanǵan beınejazba aıtyp berdi.</p>

Qarasaaı aýdanynyń aýrýhanasynda jatqan jábirlenýshiniń aıtýynsha, jumysta ýaqytynda kúıeýi kelip, onyń basynan birneshe ret balǵamen urǵan. Soqqy saldarynan áıeldiń basy jarylyp, eki qolyndaǵy súıekteri synǵan. 

Almaty oblysy Polıtsııa departamentiniń málimetine sáıkes, densaýlyqqa qasaqana aýyrlyǵy ortasha zııan keltirý faktisi boıynsha polıtsııada qylmystyq is qozǵaldy.

— Kúdikti ustalyp, sottyń sanktsııasymen eki aı merzimge qamaýǵa alyndy. Sotqa deıingi tergep-tekserý aıasynda zańdy sheshim qabyldaı otyryp, mán-jaılardy jan-jaqty, tolyq jáne obektıvti zertteý úshin zańda kózdelgen barlyq sharalar qabyldanatyn bolady. Tergeý barysy baqylaýǵa alyndy. Tergeý múddesi úshin ózge de aqparat jarııa etilmeıdi, — dep habarlady oblystyq PD baspasóz qyzmeti.

Eske salaıyq, buǵan deıin Almaty oblysynda alımentke 2,7 mln qaryz azamat qamaýǵa alynǵanyn jazǵanbyz.