Almaty oblysynda áıel eki qyzymen birge ýlanyp qaldy

<p>QONAEV. KAZINFORM &mdash; Almaty oblysynda qatty otynmen jaǵylatyn peshtiń durys jumys istemeýinen birneshe adam gazdan ýlanyp, aýrýhanaǵa tústi.</p>

Almaty oblysy Tótenshe jaǵdaılar departamentiniń málimetinshe, 25 aqpan túski saǵat 13:15 shamasynda Eńbekshiqazaq aýdanynyń Qaraturyq aýylyndaǵy jeke turǵyn úıde peshten aqaý shyǵyp, 50 jastaǵy áıel jáne onyń 2009, 2010 jyly týǵan eki qyzy gazdan ýlanǵan.

Aýdandyq aýrýhanadan atap ótkendeı, 1974 jyly týǵan áıeldiń jaǵdaıy aýyr. Al, eki kishkentaı qyzdyń jaǵdaıy ortasha. 

Almaty oblysynyń TJD mamandary, turǵyndardy qatty otynmen jaǵylatyn peshti paıdalaný kezinde qaýipsizdik erejelerin saqtaýǵa shaqyrady.