Almaty oblysynda janarmaı quıý stantsııasy órtendi

<p>Almaty oblysy Eńbekshiqazaq aýdany Shelek aýylynda janarmaı quıý stantsııasynda iri órt shyqty, dep habarlaıdy <a href="Kazinform" target="_blank" rel="noopener">Kazinform</a>.</p>

Oqıǵanyń vıdeosy áleýmettik jelige shyqty. 

Almaty oblysy TJD-nyń málimetinshe, 14 jeltoqsanda saǵat 19:22-de TJD-nyń kezekshi bólimine Eńbekshiqazaq aýdany Shelek aýylynda operatorlyq avtojanarmaı quıý stantsııasy men jalpy kólemi 30 tekshe metrdi quraıtyn jaqyn mańdaǵy tsısternalardyń órtengeni týraly habarlama túsken.

«Shaqyrý ornyna TJD kúshteri men quraldary, barlyq shuǵyl ózara is-qımyl qyzmetteri jiberildi. Órt saǵat 20:15-te 80 sharshy metr aýmaqta oqshaýlanyp, saǵat 21:41-de joıyldy. Jedel qabyldanǵan sharalardyń nátıjesinde órtke jaqyn ornalasqan gaz quıý stantsııasyna (30 m qashyqtyqta), mınımarketke (10 m) jáne turǵyn úı sektoryna (15 m) ottyń taralýy men janarmaı quıý tsısternalarynyń jarylýyna jol berilgen joq», - dep habarlady Almaty oblysy TJD-nyń baspasóz qyzmeti.

Órttiń sebebinen 1967 jyly týǵan janarmaı kóliginiń júrgizýshisi zardap shekti, ol orta dárejedegi termııalyq kúıik aldy. Alǵashqy medıtsınalyq kómek kórsetilgen soń, ol aýrýhanaǵa jatýdan bas tartty.

Órttiń shyǵý sebebi anyqtalyp jatyr. Órtti sóndirýge Almaty oblysy TJD-nyń 20 qyzmetkeri men 8 tehnıkasy, aýdandyq polıtsııa bóliminiń 5 qyzmetkeri men 2 tehnıkasy, jedel medıtsınalyq járdem brıgadasynyń 3 qyzmetkeri men tehnıkasy jumyldyryldy.