Almaty oblysynda aýrýhana medıtsınalyq buıymdardy «qaǵaz júzinde» satyp alǵan

<p>Almaty oblysyndaǵy aýrýhanany basqarǵan kompanııanyń basshysy men esepshisi ózderine baǵynyshty uıymdardan medıtsınalyq buıymdardy kórineý jalǵan satyp alǵan.</p>

Bul týraly Kaziform Qarjylyq monnıtorıng agenttiginiń baspasóz qyzmetine silteme jasap habarlaıdy.

Baspasóz qyzmetiniń málimetterine qaraǵanda, QMA aýmaqtyq departamenti asa iri mólsherde urlyq jasady degen kúdik boıynsha tergeý júrgizip jatyr.

Aıta keteıik, medıtsınalyq mekeme 2020 jyldyń qazan aıynda senimgerlik basqarýǵa berildi.

2020-2022 jyldar aralyǵynda Áleýmettik medıtsınalyq saqtandyrý qorynan bólingen 2,1 mlrd teńgeden astam qarajat urlanǵan.

Atalǵan tulǵalarǵa qatysty qamaýǵa alý túrindegi bultartpaý sharasy qoldanyldy.

Tergeý jalǵasýda, QPK-niń 201-babyna sáıkes ózge de aqparat jarııalaýǵa jatpaıdy.

QR Konstıtýtsııasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árkim kinásiz dep esepteledi.