Almaty oblysynda atys bolyp, úsh adam zardap shekti
Bul týraly málimet buqaralyq aqparat quraldarynyń birinde paıda boldy.
Baspa málimetinshe, jaǵdaı 27 qazan kúni Qonaev qalasyna jaqyn jerdegi Іle ózeniniń mańynda bolǵan. Malshy mas kúıinde joldastaryna ańshy myltyǵynan oq atqan. 63 jastaǵy er adam dene jaraqatymen jergilikti aýrýhanaǵa jetkizildi. Taǵy ekeýine medıtsınalyq kómek kórsetildi.
Almaty oblysynyń polıtsııa departamenti kúdiktiniń ustalǵanyn málimdedi.
«Adam óltirýge oqtalý deregi boıynsha qylmystyq is qozǵaldy, polıtsııa qyzmetkerleri jedel izdestirý sharalaryn júrgizý barysynda 39 jastaǵy kúdiktini anyqtap, ustady jáne ýaqytsha ustaý ızolıatoryna qamady», - dep habarlady departamenttiń baspasóz qyzmeti.
Tergeý barysy oblystyq polıtsııa departamenti basshylyǵynyń baqylaýyna alyndy.
Eske salaıyq, byltyr Almaty oblysynda atys bolyp, bir adam qaza tapqan edi.