Almaty oblysynda «Alataý jastary» baǵdarlamasy qashan bastalady

<p>QONAEV. KAZINFORM &ndash; Almaty oblysynda jastarǵa arnalǵan &laquo;Alataý jastary&raquo; baǵdarlamasy bastalady. Joba 35 jasqa deıingi (qosa alǵanda) oblystyń jas turǵyndaryna jeke baspana satyp alý úshin jeńildetilgen nesıe alýǵa múmkindik beredi. Bul týraly Óńirlik kommýnıkatsııalar alańynda &laquo;Otbasy bank&raquo; AQ Almaty oblystyq fılıaly dırektorynyń orynbasary Anar Estııar aıtty.&nbsp;</p>

Jańa turǵyn úı baǵdarlamasyna qatysý týraly ótinishter 2024 jyldyń 1 qazannan bastap 15 qazanǵa deıin qabyldanady. Úmitkerler Qonaev qalasy, 1 sh/a, № 41, «Báıterek» BO mekenjaıy boıynsha ótinish berýleri qajet. 

«Alataý jastary» baǵdarlamasynyń sharttary boıynsha qatysýshylardyń Almaty oblysyndaǵy resmı jumys ótili bir jyldan kem bolmaýy tıis. Ony mindetti túrde zeınetaqy jarnalarynyń turaqty túsimi kórsetilgen qujatpen rastaý qajet. 

Sondaı-aq ótinish berýshiniń jáne onyń otbasy músheleriniń sońǵy 5 jylda attaryna tirkelgen jyljymaıtyn múlikteri bolmaýy tıis.

Ótinishterdi qabyldaý aıaqtalǵannan keıin arnaıy qurylǵan komıssııa jınalǵan upaılar boıynsha baǵdarlamaǵa qatysýshylardy irikteıdi.

Upaılar qalaı esepteledi?

– jumys ótili – 1 jyl jumys ótili – 2 ball, qalǵan árbir jylǵa 1 ball (5 jylǵa deıingi jumys ótili eskeriledi); 

– otbasylyq jaǵdaıy – tirkelgen neke – 5 ball, turmys qurmaǵandar – 1 ball;

– 18 jasqa deıingi balalardyń bolýy – bir bala úshin — 2 ball, eki jáne odan da kóp bala úshin – 1 ball; 

– memlekettik qyzmetshiler, bıýdjettik uıymdardyń qyzmetkerleri – 5 ball;

– jaldamaly páterdi óteý týraly kelisimi bar bıýdjettik uıymdardyń qyzmetkerleri (kóship kelgen jáne qabyldanǵan memlekettik qyzmetshiler) – 10 ball;

– depozıtinde kemi 500 myń teńge salymy bar bank klıentteri – 2 ball.

Ótinishterdi qabyldaý aıaqtalǵannan keıin qatysýshylardyń tizimi jasalyp, baǵdarlama ıegelerine jiberiledi. Úı alý múmkindigin alǵan jastar Otbasy bankiniń bólimshelerinde tólem qabilettiligin baǵalap, izinshe óz kúshterimen baspana tabady. Ony satyp alýǵa bank 18 mln teńge nesıe beredi. Eger múliktiń quny 18 mln teńgeden asatyn bolsa, úmitker aıyrmashylyqty óz qarajaty esebinen tóleı alady. Alǵashqy jarna 10%. Nesıe boıynsha syıaqy mólsherlemesi jyldyq 6%-ǵa teń. Nesıeniń merzimi – 19 jylǵa deıin.

Eske salaıyq, qyrkúıek aıynyń basynda «Almaty jastaryna» ótinim bergen 2 myńǵa jýyq jas baspanaly boldy.