Almaty oblysynda 9 jasar qyzdy urlap, zorlap ketken

<p>Almaty oblysy, Qarasaı aýdany, Saýynshy aýlynda oqýshy qyz zorlandy. Polıtsııa tergeý amaldaryn bastady, dep habarlaıdy Kazinform.</p>

Buqaralyq aqparat quraldarynda 12 qarasha kúni úıinde uıyqtap jatqan 9 jasar qyzdy belgisiz er adam urlap ketip, zorlaǵany týraly aqparat tarady.

Osy oqıǵaǵa qatysty Almaty oblystyq polıtsııa departamenti túsinik berdi.

«Qarasaı aýdany, Saýynshy aýyly turǵynynyń aryzy boıynsha, QR QK 121-babynyń 4-bóligine sáıkes is tirkeldi. Qazir qylmystyń barlyq mán-jaıy tergeýde, onyń jan-jaqtylyǵyn, tolyqtyǵyn jáne obektıvtiligin qamtamasyz etý maqsatynda saraptama, tekserýler taǵaıyndaýmen tergeý júrip jatyr», - deıdi Almaty oblystyq Polıtsııa departamentiniń baspasóz qyzmetiniń basshysy Ernar Saıdildın.

Buǵan deıin Qonaev qalasynda burynǵy eki polıtsııa qyzmetkeri kámeletke tolmaǵan qyzdy zorlady degen kúdikke ilingen bolatyn.