Almaty oblysynda 9 jasar qyzdy uryp soqqan qamqorshyǵa qatysty tergeý bastaldy

<p>Almaty oblysynda 9 jasar jetim qyzdy asyrap alǵan qamqorshysy kez kelgen áreketi úshin aıaýsyz uryp-soqqan. Asyraýshysynyń ústinen qylmystyq is qozǵaldy, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Bul týraly aqparat áleýmettik jelide paıda boldy.

«Qyzdy jarty jyl buryn Eńbekshiqazaq aýdanyndaǵy mektepterdiń biriniń muǵalimi asyrap alǵan. Únemi taıaq jegen qyz shydamaı, jarty jyldan soń qashyp ketedi. Artynsha tanysy taýyp, qaıtadan sol úıge aparady. Jábirlenýshi qyz bul qylyǵy úshin taǵy da taıaqtyń astynda qalǵan kórinedi»,- delingen habarlamada.

Almaty oblystyq Polıtsııa departamentiniń bastyǵy Baýyrjan Álenovtyń aıtýynsha, 2024 jyldyń 5 qańtarynda Eńbekshiqazaq aýdandyq polıtsııa basqarmasyna 9 jasar qyzdy 1982 jylǵy qamqorshysy uryp-soqqany týraly habarlama tústi.

«Atalǵan derek jas balany azaptaý faktisi boıynsha Eńbekshiqazaq aýdanynyń PB-da dereý tirkeldi jáne saraptamalyq zertteý taǵaıyndalyp sotqa deıingi tergeý amaldary bastaldy. Jaqyn arada qylmystyq is boıynsha tergeý aıaqtalady jáne qylmystyq protsestiń barlyq qatysýshylary tergeý nátıjelerimen belgilengen tártippen tanysatyn bolady. Sondaı-aq is boıynsha túpkilikti protsestik sheshim qabyldanady QR QІJK-niń 201-baby sheńberinde ózge aqparat jarııa etýge jatpaıdy», - dedi Almaty oblysy PD bastyǵy Baýyrjan Álenov.