Almaty oblysynda 9 synyp oqýshysy órtenip jatqan úıden eki adamdy aman alyp shyqty

<p>QONAEV. KAZINFORM &ndash; Almaty oblysynda 9 synyp oqýshysy órtenip jatqan úıden zeınetker men onyń nemeresin alyp shyqty.&nbsp;</p>

Óńir ákimdiginiń málimetinshe, 4 maýsym kúni Boraldaı kenti, №39 gımnazııanyń 9 synyp oqýshysy Qamıtbek Ihsan, atalǵan aýyldyń Naızashoqy kóshesinde turatyn dosynyń úıine kele jatyp, Naızashoqy kóshesi, №11 úıdiń órtenip jatqanyn kóredi.

«Ihsan, oılanbastan órt shyqqan úıge kirip, órt kúısheımeı turǵanda 63 jastaǵy zeınetker men onyń 12 jastaǵy nemeresin syrtqa alyp shyqty. Keıin oqıǵa ornyna órt sóndirýshilerdi shaqyrǵan. Balanyń bul erligi eshteńemen ólshenbeıdi, osyndaı uldy tárbıelegen ata-anasyna jáne ustazdaryna myń alǵys. Ihsan – búgingi kúnniń batyry», - dep atap ótti ákimdikten.

Eske salaıyq, byltyr qarasha aıynda Ótegen batyr aýylyndaǵy №24 lıtseıdiń 8 synyp oqýshysy Geroı Aqjol № 219 avtobýsty toqtatyp, jolaýshylardy aman alyp qalǵan bolatyn.