Almaty oblysynda 8 synyp oqýshysy avtobýsty toqtatyp, jolaýshylardy qutqaryp qaldy

<p>Almaty oblysy Іle aýdanynda ózin nashar sezingen avtobýs júrgizýshisin baıqap qalǵan oqýshysy qoǵamdyq kólikti toqtatyp, jolaýshylardy apattan qutqaryp qaldy, dep habarlaıdy Kazinform.</p>

Almaty oblysynyń ákimdigi málim etekendeı, avtobýs júrgizýshisiniń talmasy ustap, kólik quralyn basqara almaı qalǵan. Sol kezde oqýshy tez arada tejegishti basyp, avtobýsty toqtatqan.

Bútin bir avtobýs jolaýshylaryn qutqaryp qalǵan balanyń esimi - Aqjol, ol 24 lıtseıdiń 8 «E» synyp oqýshysy.

Kýágerlerdiń aıtýynsha, ol jyldam áreket etpegende, avtobýs jaqyn jerdegi ǵımaratqa soǵylýy múmkin edi.

Foto: instagram.com

Batyr oqýshynyń sýreti áleýmettik jelide tarap jatyr.

«Myna sýrettegi bala avtobýsqa júgirip baryp, oǵan minip, ony toqtatty. Eger ol mundaı erlik jasamasa, avtobýs úılerge soǵylar edi. Aýdan ákimi bul balany taýyp, marapattaýy kerek», - dep jazdy jeli qoldanýshylar.